ਕੁਵੈਤ ਸਰਕਾਰ ਨੇ ਲੋਕਾਂ ਨੂੰ ਭਰੋਸਾ ਦਿੱਤਾ ਹੈ ਕਿ ਦੇਸ਼ ਦੀ ਹਵਾਈ ਹੱਦ (Airspace) ਸੁਰੱਖਿਅਤ ਹੈ ਅਤੇ ਸੋਸ਼ਲ ਮੀਡੀਆ 'ਤੇ ਆ ਰਹੀਆਂ ਮਿਜ਼ਾਈਲਾਂ ਜਾਂ ਫੌਜੀ ਗਤੀਵਿਧੀਆਂ ਬਾਰੇ ਅਫਵਾਵਾਂ ਬੇਬੁਨਿਆਦ ਹਨ। ਕੁਵੈਤੀ ਫੌਜ (Kuwait Army) ਨੇ ਪੁਸ਼ਟੀ ਕੀਤੀ ਕਿ ਜੋ ਮਿਜ਼ਾਈਲਾਂ ਰਿਪੋਰਟ ਹੋਈਆਂ ਹਨ, ਉਹ ਬਹੁਤ ਉਚਾਈ 'ਤੇ ਸਨ ਅਤੇ ਕੁਵੈਤ ਦੇ ਹਵਾਈ ਖੇਤਰ ਵਿੱਚ ਦਾਖਲ ਨਹੀਂ ਹੋਈਆਂ।
ਇਸਦੇ ਨਾਲ-ਨਾਲ, ਇਲਾਕੇ ਵਿੱਚ ਵਧ ਰਹੇ ਤਣਾਅ, ਖਾਸ ਕਰਕੇ ਇਸਰਾਈਲੀ ਹਮਲਿਆਂ ਤੋਂ ਬਾਅਦ, ਕੁਵੈਤ ਨੇ ਨਿਊਕਲੀਅਰ ਜਾਂ ਰੇਡੀਏਸ਼ਨ ਐਮਰਜੈਂਸੀ ਲਈ ਤਿਆਰੀਆਂ ਤੇਜ਼ ਕਰ ਦਿੱਤੀਆਂ ਹਨ। "ਨੈਸ਼ਨਲ ਇਨੀਸ਼ੀਏਟਿਵ ਫ਼ੋਰ ਅਸੈਸਿੰਗ ਰਿਸਕਸ ਫ਼੍ਰੌਮ ਨਿਊਕਲੀਅਰ ਰਿਐਕਟਰਜ਼" (National Initiative for Assessing Risks from Nuclear Reactors) ਦੇ ਤਹਿਤ ਇੱਕ ਉੱਚ ਪੱਧਰੀ ਮੀਟਿੰਗ ਹੋਈ, ਜਿਸ ਵਿੱਚ ਫੌਜੀ ਅਤੇ ਨਾਗਰਿਕ ਏਜੰਸੀਆਂ ਨੇ ਭਾਗ ਲਿਆ।
ਇਸ ਮੀਟਿੰਗ 'ਚ ਊਰਜਾ, ਪਾਣੀ, ਸਿਹਤ, ਵਾਤਾਵਰਣ ਅਤੇ ਸਿਵਲ ਡਿਫੈਂਸ ਖੇਤਰਾਂ ਦੀ ਤਿਆਰੀ ਦੀ ਸਮੀਖਿਆ ਕੀਤੀ ਗਈ। ਹਵਾਈ ਅਤੇ ਸਮੁੰਦਰੀ ਹਾਲਾਤਾਂ ਲਈ ਤਾਲਮੇਲ ਅਤੇ ਤੁਰੰਤ ਜਵਾਬੀ ਯੋਜਨਾਵਾਂ 'ਤੇ ਵੀ ਚਰਚਾ ਹੋਈ।
ਕੁਵੈਤ ਨੈਸ਼ਨਲ ਗਾਰਡ (Kuwait National Guard) ਨੇ ਵੀ ਕਿਹਾ ਕਿ ਉਹਨਾਂ ਵੱਲੋਂ ਕੋਈ ਖਾਸ ਫੌਜੀ ਗਤੀਵਿਧੀ ਨਹੀਂ ਚੱਲ ਰਹੀ। ਕੁਵੈਤ ਫਾਇਰ ਫੋਰਸ (Kuwait Fire Force) ਨੇ ਵੀ ਕਿਹਾ ਕਿ ਉਹ 24 ਘੰਟੇ ਤਿਆਰ ਹਨ ਅਤੇ ਉਨ੍ਹਾਂ ਕੋਲ ਐਡਵਾਂਸ ਟੈਕਨੋਲੋਜੀ ਤੇ ਸੁਰੱਖਿਆ ਉਪਕਰਨ ਮੌਜੂਦ ਹਨ।
ਕੁਵੈਤ ਵਿੱਚ ਇਰਾਨ ਦੇ ਰਾਜਦੂਤ ਨੇ ਵੀ ਲੋਕਾਂ ਨੂੰ ਸੰਤੁਲਨ ਬਣਾਈ ਰੱਖਣ ਦੀ ਅਪੀਲ ਕੀਤੀ ਅਤੇ ਖੇਤਰ ਵਿੱਚ ਅਮਨ-ਸ਼ਾਂਤੀ ਦੀ ਪੂਰੀ ਵਕਾਲਤ ਕੀਤੀ। ਦੂਜੇ ਪਾਸੇ, ਅੰਤਰਰਾਸ਼ਟਰੀ ਨਿਊਕਲੀਅਰ ਏਜੰਸੀ (IAEA) ਨੇ ਕਿਹਾ ਕਿ ਇਰਾਨ ਦੇ ਨਤਾਂਜ਼ ਪਲਾਂਟ ਤੋਂ ਬਾਹਰ ਕੋਈ ਰੇਡੀਏਸ਼ਨ ਨਹੀਂ ਨਿਕਲਿਆ, ਪਰ ਅੰਦਰੂਨੀ ਖਤਰੇ ਹੋ ਸਕਦੇ ਹਨ।
ਕੁਵੈਤ ਸਰਕਾਰ ਨੇ ਲੋਕਾਂ ਨੂੰ ਆਧਿਕਾਰਕ (Official) ਜਾਣਕਾਰੀ ਤੇ ਵਿਸ਼ਵਾਸ ਕਰਨ ਦੀ ਅਪੀਲ ਕਰਦਿਆਂ ਕਿਹਾ ਹੈ ਕਿ ਦੇਸ਼ ਪੂਰੀ ਤਰ੍ਹਾਂ
ਚੌਕਸ ਅਤੇ ਤਿਆਰ ਹੈ।
