ਕੁਵੈਤ: ਹੁਣ ਸਰਵਜਨਕ ਥਾਵਾਂ 'ਚ ਧੂੰਆਂ ਖਿੱਚਣਾ ਪੈ ਸਕਦਾ ਹੈ 500 KD ਤੱਕ ਮਹਿੰਗਾ, ਕੁਵੈਤ ਦੀ ਵਾਤਾਵਰਣ ਪੁਲਿਸ ਨੇ ਕੋਸਟ ਗਾਰਡ ਨਾਲ ਮਿਲਕੇ ਵਾਤਾਵਰਨ ਸੰਬੰਧੀ ਕਾਨੂੰਨਾਂ ਦੀ ਰਫ਼ਤਾਰ ਤੇਜ਼ ਕਰ ਦਿੱਤੀ ਹੈ।
ਬ੍ਰਿਗੇਡੀਅਰ ਜਨਰਲ ਮਿਸ਼ਆਲ ਅਲ-ਫਰਾਜ ਨੇ ਦੱਸਿਆ ਕਿ ਜੇ ਕੋਈ ਵਿਅਕਤੀ ਸ਼ਾਪਿੰਗ ਮਾਲ, ਏਅਰਪੋਰਟ ਜਾਂ ਪਾਰਕਿੰਗ ਵਰਗੀਆਂ ਬੰਦ ਜਾਂ ਅੱਧ-ਬੰਦ ਥਾਵਾਂ 'ਚ ਧੂੰਆਂ ਖਿੱਚਦਾ ਹੋਇਆ ਫੜਿਆ ਜਾਂਦਾ ਹੈ, ਤਾਂ ਉਸ ਨੂੰ 50 ਤੋਂ 500 KD ਤੱਕ ਜੁਰਮਾਨਾ ਹੋ ਸਕਦਾ ਹੈ।
ਉਹਨਾਂ ਕਿਹਾ ਕਿ ਜਿਹੜੀਆਂ ਦੁਕਾਨਾਂ ਜਾਂ ਸੰਸਥਾਵਾਂ ਬਿਨਾਂ ਲਾਇਸੈਂਸ ਦੇ ਇਸਦੀ ਆਗਿਆ ਦਿੰਦੀਆਂ ਹਨ, ਉਹਨਾਂ 'ਤੇ 1,000 KD ਤੱਕ ਜੁਰਮਾਨਾ ਲੱਗ ਸਕਦਾ ਹੈ।
ਇਸ ਤੋਂ ਇਲਾਵਾ, ਜੇ ਕੋਈ ਵਿਅਕਤੀ ਅਣ-ਨਿਰਧਾਰਤ ਥਾਵਾਂ 'ਚ ਸਿਗਰਟ ਦੇ ਬੱਟ ਸੁੱਟਦਾ ਹੈ, ਤਾਂ ਉਸ ਨੂੰ ਵੀ 500 KD ਤੱਕ ਜੁਰਮਾਨਾ ਹੋ ਸਕਦਾ ਹੈ।
ਇਹ ਕਾਰਵਾਈ ਸਮੁੰਦਰੀ ਖੇਤਰ 'ਚ ਗੈਰਕਾਨੂੰਨੀ ਮੱਛੀਆਂ ਮਾਰਨ ਵਾਲਿਆਂ ਖ਼ਿਲਾਫ਼ ਵੀ ਲਾਗੂ ਹੋ ਰਹੀ ਹੈ, ਜਿੱਥੇ ਉਲੰਘਣਾ ਕਰਨ ਵਾਲਿਆਂ 'ਤੇ 5,000 KD ਤੱਕ ਜੁਰਮਾਨਾ ਹੋ ਸਕਦਾ ਹੈ।
ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਕਾਨੂੰਨ ਦੀ ਪਾਲਣਾ ਕਰਦਿਆਂ ਸਿਹਤ ਅਤੇ ਵਾਤਾਵਰਨ ਦੀ ਰੱਖਿਆ ਕਰਨ।
